Евија со Атина Нова Година

Програма на патување:

Состанок на групата на паркингот кај спортска сала Борис Трајковски (кај пералните) во 00.30 часот.  Поаѓање за Евија во 01:00 часот после полноќ. Патувањето се одвива преку граничниот премин Богородица со кратки паузи за одмор и обавување на царински формалности. Во утринските часови пристигнување на пристаништето Глифа. Качување на брод траект, пловидба 30мин. Пристигнување на вториот по големина остров во Грција, островот Евија кај местото Агиос Кампос. Кратко возење до една од најпознатите бањи во Грција, Лутра Едипсос. Сместување во хотел. Краток одмор од патувањето и заминување на пешачки разглед и запознавање со местото: пристаништето, променадата, хотелот Термо Сила сè до термалните извори кои се влеваат директно во Егејското Море. Слободно време одмор, релаксација и индивидуални активности, можност за користење на термалните извори на отворено. Вечера. Ноќевање.

Појадок. Ден предвиден за целодневна факултативна посета на лулката на демократијата и главниот град на Грција, Атина. Рано наутро поаѓање кон Атина, бродски превоз со траект од Едипсос до Аркица, пристигнување во Атина претпладне, состанок со локалниот водич кој ќе не запознае со Атина преку панорамски разглед на градот со автобус: плоштадите Омонија и Синтагма, Парламентот, Евзоните, Олимпискиот Стадион, Храмот на Зевс, Адријановата Порта, Акропол… Панорамскиот разглед завршува кај Акропол, можност за индивидуална посета на Акропол со доплата на лице место. Слободно време за индивидуални прошетки и разгледи низ Атина. Враќање кон Едипсос преку мостот кај Халкида, главниот град на островот со автобуски превоз по должина на островот. Пристигнување во хотелот во Едипсос. Вечерта, огранизирана свечена новогодишна вечера со музика! СРЕЌНА НОВА 2027!!! Ноќевање.

Доцен појадок. Откако убаво ќе се одмориме и појадуваме на првиот ден во Новата Година заминуваме на факултативна посета до местото Прокопи, познато по манастирот посветен на Св. Јован Рускин. Се верува дека моштите на овој светец кои се положени тука се чудотворни и лековити, поради што манастирот годишно привлекува голем број на верници. Покрај самата црква поставени се неколку убави кафулиња и продавнички каде се продаваат традиционални локални сувенири. Во попладневните часови враќање во Лутра Едипсос, можност за користење на природните базени на отворено со минерална вода кои се влеваат во морето за незаборавен почеток на Новата 2027. Вечера. Ноќевање.

Појадок. Напуштање на собите според хотелското правило (докај 10-11 часот). Во договорено време со водичот на групата заминување кон Агиос Кампос, качување на брод траект и продолжување кон Глифа. Дневно возење со попатни паузи за одмор и обавување на царински формалности. Пристигнување во Скопје во вечерните часови.

Цена по лице за минимум 2 лица во соба

– Превоз со високо туристички автобус на наведената релација

– Бродски превоз на релација Глифа – Агиос Кампос – Глифа

– Сместување во Хотел Ореи 3* лоциран во центарот на Лутра Едипсос на база 3 ноќевања

– Исхрана на база 3 ноќевања со полупансион (појадок шведска маса, вечера со сервирање)

– Новогодишна свечена вечера со диџеј на 31.12.2026 (наместо класична вечера)

– Комплетна организација и реализација на патувањето со туристички придружник

– Патничко и здравствено осигурување

– Туристичка такса 6еур од соба за цел престој (доплата на лице место)

– Факултативна посета на Атина со локален водич – 40€ (доплата на лице место)

– Факултативна посета на Прокопи 15€ (доплата на лице место)

– Индивидуални неспоменати трошоци

– За реализација на аранжманот потребен е минимум од 40 патници.

– За патувањето е потребно да поседувате валиден биометриски пасош, најмалку 3 месеци пред истек.

– Организаторот го задржува правото во случај на недоволен број на пријавени, да го откаже аранжманот најдоцна до 7 дена пред поаѓање.

– За реализација на факултативните излети потребен е минимум од 30 патници, организаторот го задржува правото во случај на недоволен број на пријавени да ја промени цената на факултативата или истата да ја откаже.

– Плаќањето се врши исклучиво во денарска противредност по курс 1еур=62мкд.

– За овој аранжман важат ОУ на патување од СКТМ и Виаџо Травел.