Барселона Нова Година 29.12-02.01.2027

Состанок на групата на скопскиот аеродром во 10:20 часот. Полетување за Барселонa во 12:20 ч. Пристигнување во Барселона во 15:15 часот. Трансфер до хотелот и сместување.Краток одмор и можност за прво запознавање со градот. Ноќевање.

Појадок во хотел. Можност за организирање екскурзија – пешачка тура низ Готската четврт. Да ја истражиме историјата на стара Барселона низ шармантните улици на Готската четврт – срцето на градот и место каде што се испреплетуваат уметноста, историјата и локалната култура. За време на оваа пешачка тура, ќе ја запознаете Катедралата во Барселона (симбол на духовноста и готската култура), познатата концертна сала „Палау де ла Музика Каталана“ и црквата „Санта Марија дел Мар“, ќе прошетате по најпознатата пешачка улица „Ла Рамбла“ и ќе откриете многу повеќе.Слободно време или можност за индивидуална посета на најпознатото дело на Гауди, паркот Гуел, кој е едно од најголемите ремек дела на Антони Гауди и место каде најдобро се реализираат неговите идеи за единството на уметноста и природата. Во вечерните часови, можност за вечер со фламенко – фантастичен настап на танчари и гитаристи, придружен со пијалаци. Индивидуално враќање во хотелот.Ноќевање.

Појадок во хотел. Можност за организирање – Цитадела (Ciutadella), Тибидабо и Пуебло Еспањол (Pueblo Español – Шпанското село), како и до Саграда Фамилија. Сиудадела претставува спој на природа, фонтани, езера, зоолошка градина и уметнички скулптури.. Со оваа екскурзија ќе се запознаете со најзначајното дело на славниот Антонио Гауди – Саграда Фамилија, величествена базилика и еден од симболите на Барселона (групна посета на внатрешноста не е вклучена). Посета на Тибидабо, местото каде што, според легендата, се сретнале ѓаволот и Бог. Потоа следи посета на Пуебло Еспањол, уникатно село во шпански стил кое ја прикажува архитектурата, традицијата и уметноста од сите делови на земјата; овде ќе видите сè на едно место, без да ја напуштите Барселона. Индивидуално враќање во хотелот.Слободно време. Дочек на Нова Година на некој од плоштадите во Барселона (индивидуално). Ноќевање.

Појадок во хотел. можност за организирање факултативен излет до Жирона и музејот на Салвадор Дали. Откријте ги двете уметнички страни на Каталонија: средновековната елеганција на градот Жирона и надреалниот свет на Салвадор Дали во градот Фигерас. Жирона е град со зачувани ѕидини и недопрен еврејски кварт, шаренолики куќи покрај реката Оњар и познати локации од серијата „Игра на троновите“. Патувањето продолжува кон Фигерас, родното место на големиот уметник Салвадор Дали, каде што ќе го посетите најексцентричниот музеј во Шпанија – место каде што уметноста и имагинацијата немаат граници. Враќање во Барселона. Слободно време. Ноќевање.

Појадок во хотел. Одјавување од хотел. За денешниот ден, имате слободни активности или можност за факултативна посета на Аквариумот (http://www.aquariumbcn.com/en) – еден од најголените и најубавите аквариуми во Европа. Индивидуално враќање во хотел. Трансфер до аеродормот во Барселона.Полетување за Скопје во 16:15 часот, пристигнување на скопскиот аеродром во 19:00 часот локално време.