БУКУРЕШТ И ТРАНСИЛВАНИЈА НОВА ГОДИНА 2027

Период: 30/12/2026 – 03/01/2027

1. ДЕН – 30.12.2026 СКОПЈЕ-БУКУРЕШТ

Состанок на групата пред Спортскиот центар „Борис Трајковски“ во претходно договорено време (во периодот од 19:00 до 20:00 часот). Точното време на поаѓање се добива 1–2 дена пред патувањето. Поаѓање кон Букурешт преку Бугарија. Ноќно возење со попатни паузи за одмор и царински формалности.

2. ДЕН – 31.12.2026 БУКУРЕШТ

Пристигнување во Букурешт во претпладневните часови. Следува организиран разглед на градот со лиценциран локален водич. За време на разгледот ќе се запознаете со најзначајните знаменитости на романската престолнина, меѓу кои: Палатата на Парламентот – една од најголемите административни згради во светот, Плоштадот на Револуцијата, Триумфалната капија, Авенијата Победа (Calea Victoriei), како и останатите значајни булевари, плоштади и архитектонски знаменитости кои го претставуваат современиот и историскиот лик на градот. По завршувањето на разгледот следува сместување во хотел односно после 15:00 часот. Во вечерните часови можност за индивидуална прошетка низ празнично украсениот Букурешт и дочек на Новата 2027 година на некој од централните плоштади или во некој од бројните ресторани и локали. Ноќевање.

3. ДЕН – 01.01.2027 ТРАНСИЛВАНИЈА

Појадок. По појадокот следува факултативна целодневна екскурзија во Трансилванија – регионот познат по своите средновековни градови, величествени замоци и живописни карпатски предели. Првата посета е на Замокот Пелеш, поранешната летна резиденција на романското кралско семејство и еден од најубавите дворци во Европа. Поради празничниот период, замокот во овој термин не работи за посета на внатрешноста, па разгледот е предвиден однадвор. Ќе имате можност да уживате во неговата импресивна неоренесансна архитектура, прекрасните фасади, украсниот двор и живописната планинска околина, како и да направите фотографии од еден од најпознатите симболи на романската историја. Патувањето продолжува кон Замокот Бран, светски познат како „Замокот на Дракула“. Средновековниот замок, изграден на карпест рид, е една од најпосетуваните знаменитости во Романија и е поврзан со легендата за грофот Дракула, инспирирана од историската личност Влад III Цепеш. Следува посета на Брашов, еден од најубавите средновековни градови во Романија. Прошетка низ старото градско јадро со калдрмисаните улици, шарените фасади, централниот плоштад Советулуи (Piața Sfatului) и поглед кон прочуената Црна црква, најголемата готска црква во Југоисточна Европа.
Слободно време за индивидуална прошетка и уживање во атмосферата на градот. Во вечерните часови враќање во хотелот. Ноќевање.

4. ДЕН – 02.01.2027 ТЕРМАЛНИ БАЊИ

Појадок. По појадокот следува факултативна посета на Therme Bucharest, најголемиот велнес, спа и термален комплекс во Европа. Комплексот располага со бројни базени со термална вода, внатрешни и надворешни базени, сауни, парни бањи, џакузи, палми и тропска вегетација, како и различни зони за релаксација и рекреација. Слободно време за уживање во содржините на комплексот. По посетата следува враќање во хотелот. Слободно време за индивидуални активности или прошетка. Ноќевање.

5. ДЕН – 03.01.2027 БУКУРЕШТ-СКОПЈЕ

Појадок и напуштање на хотелот. Слободно време за шопинг во некој од познатите трговски центри во Букурешт. Во договореното време поаѓање кон Македонија. Дневно и ноќно возење со попатни паузи за одмор и царински формалности. Пристигнување во Скопје околу полноќ.

ПРОМО ЦЕНА: 189 ЕВРА
РЕДОВНА ЦЕНА НА АРАНЖМАНОТ: 239 ЕВРА

ВО ЦЕНАТА НА АРАНЖМАНОТ Е ВКЛУЧЕНО:
Превоз со високо туристички автобус според програмата,
3 ноќевања во хотел со 3* со појадок,
Посета на шопинг центар,
Пратител и организација на патувањето

ВО ЦЕНАТА НА АРАНЖМАНОТ НЕ Е ВКЛУЧЕНО:
Туристичка такса – 6 еур/лице (за трите ноќевања)
Задолжително патничко и здравствено осигурување – 6 еур/лице (може да се изготви и во агенцијата)
Индивидуални трошоци
Факултативни излети
(Разглед на Букурешт со локален водич – задолжителен излет – 15 еур.)

Разглед на Букурешт – Задолжителен излет Цена: 15€

Парламентот Започнуваме со разглед на Букурешт со водич и се упатуваме кон најголемата зграда во Европа – Палатата на Парламентот или како што порано иронично била именувана Палата на народот. Слободно време за фотографирање со импозантното архитектурно дело. Плоштадот на Револуцијата Плоштадот на Револуцијата е следното место на посета. Тука ќе се запознаваме со неизбежната богата историја на Букурешт. Овој плоштад стана светски познат кога ТВ станиците насекаде низ глобусот ги пренесоа последните моменти на власт на Николај Чаушеску. Точно тука, од својот балкон на поранешните простории на Комунистичката партија, тој сведочеше во неверување како бесната маса на луѓе се свртува против него. Calea Victoriei Продолжуваме со кратко возење по авенијата Calea Victoriei, најстарата и најшармантната улица, порано позната како “Големата Улица „ или „Брашов пат“ заради тоа што била дел од трговската рута која водела од Букурешт до градот Брашов, во Трансилваниа. Оваа улица е идеалната рута по која се гледаат најважните историски знаменитости и споменици на архитектурата кои го претставуваат Букурешт: Палатата ЦЕЦ, Националниот музеј на Историја, Палатата на националниот војнички круг, Музејот на уметност и секако плоштадот Викторија со своите атракции. Паралелно од нас мирно тече притоката на Дунав, реката Дамбовица.

Трансилванија  Цена: 50€

Со цел навремена резервација и соодветна организација на посетите и излетите, секој патник е должен при уплата да се изјасни за кои е заинтересиран. Накнадно пријавување ќе биде возможно само во зависност од достапноста на слободни места и влезници. Агенцијата не сноси одговорност доколку при дополнително пријавување нема можност за обезбедување на истите.

НАПОМЕНА:
– За реализација на аранжманот потребен е минимум од 40 патници
– За реализација на факултативите потребно е да има пријавено минимум 25 патници
– Резервација се прави со авансна уплата од 30% од цената на аранжманот и копија од пасош, комплетна доплата 15 дена пред поаѓање
– Цените се дадени во евра, уплата се врши исклучиво во денарска противвредност по курс 1€ = 62 мкд
– Пасошот треба да важи минимум 3 месеци по завршувањето на патувањето
– Сместувањето во собите е после 14:00 часот, а напуштањето на истите е во период од 08:00 до 09:00 часот
– Секој патник има право на еден голем куфер или торба и рачен багаж
– Сместувањата имаат интернет, но не гарантираме за квалитетот и брзината за истиот во сите соби
– За сите информации дадени по усмен пат, агенцијата не сносува одговорност
– Организаторот не може да влијае на сместувањето(соба, спрат и сл). Распределбата на собите се врши на рецепција по пристигнувањето. Агенцијата ќе ги проследи барањата до сместувањето, но не гарантира за исполнување на истите
– Доколку дојде до одредена штета или непредвидени трошоци поради непочитување на упатствата и напомените, организаторот на патувањето не сносува одговорност, туку целокупниот износ на штетата го сноси патникот
– Организаторот на патувањето го задржува правото преку акција или last minute понуда да ги продаде слободните капацитети по друга цена од претходната. Патниците кои го уплатиле аранжманот по претходната цена немаат право да побараат надомест поради промената
– Агенцијата го задржува правото да направи измена во програмата на патувањето (редоследот поради непредвидени околности)
– Агенцијата не сносува одговорност за евентуални задржувања на патувањата поради гужви на границите, сообраќајни застои или други околности надвор од нашата контрола
– Превозот застанува до најблиската локација од сместувачкиот капацитет каде што е возможно да се застане
За овој аранжман важат општите услови на патување на Т.А ВИАЏО ТРАВЕЛ и СКТМ