СКАНДИНАВИЈА 26.08. Копенхаген Danska

С К А Н Д И Н А В И Ј А

СТОКХОЛМ – КОПЕНХАГЕН – ОСЛО

Авион / 7 дена / 6 ноќевања

26. Август (Среда)  СКОПЈЕ – СТОКХОЛМ

Состанок на групата на аеродромот во Скопје во 15.45 часот. Авионот за Стокхолм полетува во 17.55 и слетува во 21.10 часот. Трансфер до хотел. Ноќевање.

27. Август (Четврток)  СТОКХОЛМ

Појадок. Разглед на градот кој лежи на 14 острови: Градското собрание во чија златна сала се доделуваат Нобеловите награди и за Швеѓаните е најубавата зграда во земјата, кралската опера, кралските градини, парламентот… Пешачка прошетка до островот каде што се наоѓа стариот дел на градот, Гамла стан, со еден од најдобро зачуваните средновековни квартови во Европа. Популарниот плоштад Сторторгет, музејот на Алфред Нобел, средновековната катедрала и кралската палата, која сè уште е официјална резиденција на шведското кралско семејство и со 608 соби е меѓу најголемите палати во Европа. Промена на стражата на палатата во Стокхолм е исто толку спектакл  како и во Лондон. Гамла Стан е остров со многу знаменитости, ресторани и барови. Слободно време за ручек, можност да се проба и омилената храна на Швеѓаните Inlagd sill -харинга во саламура или Gravad lax – пушен лосос и за десерт принцес крофни за кои имаат посебна традиција. Факултативно, посета на „зеленото срце на Стокхолм“ – островот Џургарден кој годишно го посетуваат над 10 милиони туристи. Го нарекуваат и остров на музеите бидејќи тука се наоѓаат најдобрите градски музеи, како оној на светски познатиот шведски бенд АББА во кој има неколку интерактивни аудио и видео пултови каде што посетителите можат да пеат или пуштаат некои од хитовите на популарната шведска група или да танцуваат на сцена со холограми на другите членови од бендот. Скансен – најстариот музеј на отворено кој со повеќе од 150 антички куќи ја прикажува шведската историја, развојот на нејзината архитектура и поранешните обичаи и живот. Посета на прочуениот музеј Vasamuseet, во кој се наоѓа воениот брод Васа, кој бил потонат на своето прво патување во 1628 година. Бродот бил изграден по наредба на големиот крал Вас и бил најмоќниот воен брод од таа ера. Слободно време за индивидуални прошетки. Ноќевање.

28. Август (Петок) СТОКХОЛМ – КОПЕНХАГЕН

Појадок. Слободно време за прошетка по старите улици на Гамла Стан – средновековниот стар град со калдрма и шарм. Трансфер до железничката станица и патување до Копенхаген со воз (околу 5 часа). Сместување во хотел. Прошетка по најстарата пешачка зона во светот Строгет, со препознатлив „скандинавски дух“ и едноставни фасади со живи бои, канали и готски цркви. Нихавн e најживописното данско пристаниште препознатливо на сите разгледници во градот, со многу луѓе, кафулиња, ресторани. Ноќевање.

29. Август (Сабота)  КОПЕНХАГЕН

Појадок. Разглед на средновековната Данска престолнина Копенхаген: Палатата Амалиенборг, резиденција на Данските Кралеви, Градското собрание, Парламентот на Данска во Палатата Кристијансборг, Операта, Кралската библиотека, Дворецот Розенборг, симболот на градот “Малата сирена”, создадена според истоимената бајка од Ханс Кристијан Андерсен…  Слободно време за индивидуални прошетки или посета на забавниот парк Тиволи, најголемата традиционална атракција во Копенхаген, отворена во 1843 година. Тиволи е најпосетениот тематски парк во Скандинавија кој со својата егзотична архоитектура, градини, ролеркостери, претстави, концерти, изложби… привлекува повеќе од четири милиони туристи годишно. Ноќевање.

 30. Август (Петок) КОПЕНХАГЕН – ОСЛО

Појадок. Слободно време за посета на пивницата Carlsberg и можност за дегустација на познатото данско пиво. Потоа, (околу 15.00 часот) качување на брод DFDS на линијата Копенхаген – Осло. Сместување во двокреветни кабини. На бродот има од продавници, барови и ресторани до вечерна забава. Вечера. Ноќевање.

31. Август (Петок)   ОСЛО

Појадок. По слегувањето од бродот (околу 10.00 часот), трансфер и разглед на главниот град на Норвешка, викиншкиот град кој го опкружуваат спектакуларни фјордови: главната улица во Осло, Карл Јоханс Гејт, едно од најживите места во градот, дом на бројни ресторани, кафулиња, продавници, како и универзитетот, театарот, парламентот и кралската палата. Прекрасното Градско собрание, тврдината и замокот Акершус една од најважните средновековни тврдини во Норвешка, каде што можете да ја следите норвешката историја од 12 век до денес. Најновиот симбол на Норвешка е Операта, која се наоѓа на средината на старото пристаниште во Осло, со прекрасен поглед на фјордот Осло. Прошетка во паркот Вигеланд со 227 монументални скулптури, сместен во рамките на поголемиот парк Фрогнер, кој е и најголемиот парк во Норвешка. Сместување во хотел. Вечерта, предлагаме прошетка во шармантната област Aker Brygge, старо бродоградилиште кое е целосно реконструирано. Старите бродови се заменети со постмодерна архитектура. Неверојатните челични и стаклени конструкции се издигнуваат кон небото и ги чуваат некои од најдобрите ресторани, продавници, пабови и кина во градот. Популарна област за шопинг, јадење и забава, како и станбена област со висока класа. Вистинското место за сите оние кои бараат луксуз и сјај! Ноќевање.

01. Септември (Вторник)   ОСЛО – СКОПЈЕ

Појадок.  Посета на познатата скокалница Холменколен лоцирана над градот, која на туристите им нуди неверојатен поглед на Осло и Ослофјорд.  Кога ќе ги прашате жителите на Осло кој е нивниот најпрепознатлив споменик, сите сигурно ќе ви одговорат на Холменколен. Скијачката скокалница била изградена во далечната 1892 година, а оттогаш била реконструирана дури 14 пати. Овде се одржани голем број важни натпревари, вклучувајќи ги и Олимписките игри во 1952 година. Посебна атракција е ски-симулаторот. Потоа, посета на Bygdoey „Музејски полуостров“ каде што има фантастични музеи. Norwegian Maritime Museum – ја претставува норвешката поморска историја, бродоградба и подводна технологија. Norwegian Museum of Cultural History– музеј на отворено, кој го прикажува животот на норвежаните во изминатите пет века преку автентични куќи, стари работилници, дрвени магацини преселени од различни делови на Норвешка.  Fram Museum – најсилниот дрвен брод што некогаш бил изграден и сè уште ги држи рекордите за пловење најдалеку на север и на југ. Во музејот Фрам можете да видите како екипажот и нивните кучиња успеале да преживеат во најстудените и најопасните места на земјата – Арктикот и Антарктикот. Музејот Фрам има и поларен симулатор каде што може да го доживеете студот и опасностите од поларните експедиции пред повеќе од 100 години. The Kon-Tiki Museum – посветен на норвешкиот истражувач Тор Хејердал, кој ја предводел експедицијата Кон-Тики во 1947 година, т.е. патување преку Тихиот Океан, од Јужна Америка до Полинезиските Острови. Организиран трансфер до аеродромот во Осло. Полетување за Скопје во 20.50 часот. Пристигнување во 23.55 часот.

За уплата до 22.05:   1339 евра   (83.020 мкд)

ЦЕНА НА АРАНЖМАНОТ:        1439 евра   (89.220 мкд)

ВО ЦЕНАТА НА АРАНЖМАНОТ Е ВКЛУЧЕНО:

ü   Авионски превоз со авио компанијата Wizz Air на релација Скопје – Стокхолм / Осло – Скопје

ü   1 парче рачен багаж до 10 кг. со димензии 40х30х20см по лице

ü   1 парче чекиран багаж до 10 кг. по соба

ü   Организирани трансфери според програмата

ü   Сместување во ProfilHotels Central Stockholm 4* во центарот на Стокхолм на база 2 ноќевања со појадок

ü   Воз SJ на релација Копенхаген-Стокхолм

ü   Сместување во Best Western Hotel Hebron 3* во центарот на Копенхаген на база 2 ноќевања со појадок

ü   Сместување во двокреветни кабини на брод DFDS на релација Копенхаген – Осло на база 1 ноќевање со полупансионска услуга (вечера и појадок)

ü   Сместување во First Hotel Millennium 3* во центарот на Осло на база 1 ноќевање со појадок

ü   Организирани разгледи со локален водич во: Стокхолм, Копенхаген и Осло

ü   Организација на аранжманот и придружник на патувањето

ВО ЦЕНАТА НА АРАНЖМАНОТ НЕ Е ВКЛУЧЕНО:

Ø  Блок карта за 24 часа неограничен влез во музеи и 24 часа неограничено користење на јавен превоз во Осло 65 евра (се плаќа во агенција)

Ø  Влезница за Тиволи во Копенхаген (се купува на лице место)

Ø  Посета на островот Џургарден – 2 музеи АББА и Васа 65 евра (водич и влезници)

Ø  Туристичка такса 1850 мкд  по лице за цел престој (се плаќа во агенција)

Ø  Влезници во локалитетите, карти за локален превоз

Ø  Патничко и здравстено осигурување

Ø  Доплата за еднокреветна соба 23.100 мкд