МАУРИЦИУС

Редовна индивидуална програма со лет од Скопје

Датум на патување: НОЕМВРИ / ДЕКЕМВРИ  / ЈАНУАРИ 2027 / ФЕВРУАРИ (7ноќи)

Маурициус е вистинскиот избор за сите оние кои посакуваат рекреација и спорт во својата авантура. Ова е дестинација која ќе ги задоволи и најпребирливите авантуристи затоа што нуди врвно планинарење, kite surfing и нуркање. Целиот остров е опкружен со масивен корален гребен и претставува вистинско уживање за искусни нуркачи. Покрај прекрасните плажи и лагуни кои се заштитен знак на островот, внатрешноста е богата со прашуми, водопади, планинарски стази и див свет. Зелените шуми обезбедуваат дом за ретки растителни и животински видови, како што е летечката лисица која може да се сретне само тука. Во прочуениот парк Касела (Casela) ќе доживееме сафари авантура и ќе видиме зебри, камили, лавови, тигри, на плажата Тамарин (Tamarin) ќе видиме делфини и китови, а во селото Чамарел (Chamarel) и џиновски желки

Лоциран во Индискиот Океан во јужната планетарна хемисфера, близу Мадагаскар, Маурициус е едно од оние места кои фасцинираат, таму каде што се мешаат минатото и сегашноста … таму каде што се воодушевувачки природните глетки и архитектонски знаменитости … таму, каде што плажите се бескрајни … каде што тиркизната вода нежно ги мие белите песочни брегови… се вовлекуваат под кожа и ќе ве натераат да се чувствувате магично.