Прага 11.12.2026

 П Р А Г А 

со посета на Карлови Вари

Авион  / 4 дена / 3 ноќевања

11 декември (петок) СКОПЈЕ – ПРАГА

Состанок  на група на аеродромот во Скопје во 16.40 часот. Авионот за Прага на Визер полетува во 18.40 часот и слетува во 20.25. Трансфер и сместување во хотел. Ноќевање.

12 декември (сабота) ПРАГА 

Појадок. Разглед на градот во придружба на локален водич: Храдчани- еден од најголемите замоци во светот, кој е и резиденција на чешките владетели, Прашкиот замок, Катедралата Св. Вида, Златна улица, Карловиот мост (најстариот градски мост, воедно и најпознатото градско обележје и го поврзува Стариот град со другиот брег на Влтава – Мала Страна), Еврејскиот кварт, Стариот градски плоштад , астрономски часовник, плоштадот Вацлав… Факултативно крстарење со брод по реката Влтава, пловење покрај најпознатите згради и споменици на „Златниот град“. Посета на прочуените божични базари на Стариот град, каде плоштадот се претвора во вистинска зимска бајка со раскошна елка, празнични светилки и мирис на варено вино и традиционални чешки специјалитети. Прошетатајте низ шармантните улички, уживајте во погледот кон астрономскиот часовник и почувствувајте ја празничната атмосфера со музика и богата понуда на рачно изработени сувенири. Ноќевање.

13 декември (недела) КАРЛОВИ ВАРИ

Појадок. Препорачуваме патување до Карлови Вари, прекрасна туристичка дестинација, која многумина ја сметаат за најубавиот град во Чешка, со традиција за велнес која трае повеќе од 600 години. Во 2021 година, УНЕСКО го призна исклучителното значење на овој град и го вклучи на списокот на светско наследство на УНЕСКО. Градот е богат со прекрасна, шарена архитектура, која е законски дефинирана како културно богатство со цел да се зачува посебниот шарм и атмосфера на ова место, кое привлекува посетители стотици години. Придружете им се на великани како Петар Велики, Бетовен, Шопен, Шилер, Карл Маркс и Гете и откријте што е толку посебно во врска со ова уникатно место.

Можност за посета на хотел “Thermal” каде што може да се опуштите во единствениот отворен базен со 100% природна термална вода со температура на водата од 38 °C, сауна и прекрасен поглед на Карлови Вари . Враќање во Прага.  Слободна вечер. Ноќевање.

14 декември (понеделник) ПРАГА – СКОПЈЕ

Појадок. Слободно ден за индивидуални прошетки. Можност за посета на традиционален чешки ресторан во Прага, каде ќе имате можност да уживате во автентична локална кујна и пријатна боемска атмосфера. Дегустација на познати чешки специјалитети, традиционално подготвено месо и кнедли, збогатена со чаша оригинално Pilsner Urquell пиво – вистинско гастрономско доживување кое совршено го надополнува празничниот амбиент на градот. Трансфер до аеродромот во Прага. Летот кон Скопје е во 21.20 часот.

попуст за ранa уплатa до 25.06:    399 €  / 24.740 мкд

ЦЕНА НА АРАНЖМАНОТ: 449 €  / 27.840 мкд

ВО ЦЕНАТА НА АРАНЖМАНОТ Е ВКЛУЧЕНО:

Авионски превоз на релација Скопје – Прага – Скопје
Организиран трансфер аеродром-хотел-аеродром
Сместување во хотел Olympik Congress 4* во Прага на база 3 ноќевања со појадок
Рачен багаж (1 торба до 10 кг. со димензии 40х30х20см)
Разглед на Прага со локален водич
Организација на аранжманот и придружник на патувањето

ВО ЦЕНАТА НА АРАНЖМАНОТ НЕ Е ВКЛУЧЕНО:

Доплата за чекиран багаж – куфер до 10кг / 20кг
(цената е променлива, инфо во агенција 7 дена пред поаѓање)
Туристичка такса се плаќа на рецепција
Посета на Карлови Вари 55 евра/ влезница Хотел “Thermal” (25 eвра – 1 час, 35 евра – 3 часа)
Крстарење по Влтава 20 -25 евра
Влезници во локалитетите, карти за локален превоз
Патничко – здравствено осигурување
Доплата за еднокреветна соба 6.700 мкд

Напомена: 

Цените се по лице за сместување во двокреветни или трокреветни соби.

За реализација на аранжманот потребен е минимум од 20 патници. За резервација задолжителна уплата на аванс од 30% од вкупниот износ на аранжманот. Целосна доплата на аражманот е 10 дена пред поаѓање. Усни и телефонски резервации се невалидни. Плаќањето е исклучиво во денарска против вредност по курс 1 евро = 62,00 денари.

За реализација на факултативните излети потребен е минимум од 15 патници. При резервација задолжително е изјаснување/пријавување кои од понудените факултативи ќе ги користи патникот како би можела агенцијата навремено да ги организира истите.

Агенцијата го задржува правото на промена на редоследот на програмата во случај на непредвидени објективни причини, како на пример застој на граница, доцнење на летот, застој во сообраќајот, затвореност на некој од локалитети предвидени за посета …

Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.

Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата.

Патникот има обврска пред поаѓање 24 часа да ја контактира агенцијата за потврда на точното време и место на поаѓање.

Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.

За овој аранжман важат општите услови за патување на ТА ВИАЏО ТРАВЕЛ.